ડાંગ-આહવાના ગારખડી ગામે ચોરીની ત્રણ બાઈક સાથે ત્રણ યુવાન ઝડપાયા

ડાંગના આહવા પોલીસ સ્ટેશનની હદ મહારાષ્ટ્ર રાજ્યને અડીને આવેલી છે.આહવા પોલીસ સ્ટેશનના ચિંચલી આઉટપોસ્ટના એએસઆઈ શાંતિલાલભાઈ મનસુભાઈ સ્ટાફ સાથે પેટ્રોલીંગમા હતા, તે દરમિયાન ગારખડીત્રણ રસ્તા પાસે એક સ્પ્લેન્ડર બાઈક(નં.એમએચ-૪૧-એવી-૫૩૪૬) સાથે શિવા છોટુભાઇ પવાર (ઉ.વ.૨૬, બાદલ ભાઉદાસભાઈ પવાર (ઉ.વ.૧૯) (બંનેરહે. મુલ્હેર-ચીંચબંધ, તા.સટાણા જિ.નાસિક, મહારાષ્ટ્ર) અને જયેશ બાળિયાભાઈ માળવીશ (ઉ.વ.૨૪,રહે.ઝરી ગામ, તા.સુબીર જિ.ડાંગ) ઉભા હતા. જેના ઉપર શંકા-વહેમ જતા પુછપરછ કરતા તેમની પાસેની બાઈક મહારાષ્ટ્રના જાયખેડા પોલીસ સ્ટેશનની હદમાંથી ચોરી થયેલી હોવાનું બહાર આવ્યું હતુ. આ ઉપરાંત બે નંબર પ્લેટ વગરની સાઈન બાઈક પણ મળી આવી હતી.જેથી પોલીસે ત્રણેય આરોપીઓની અટક કરી કાયદેસરની કાર્યવાહી હાથ ધરી હતી.